Local హారర్‌ కామెడీ చిత్రం ‘ప్రేమకథా చిత్రమ్‌ 2’. సుమంత్‌ అశ్విన్‌, సిద్ది ఇద్నాని జంటగా నటిస్తున్నారు.
హరికిషన్‌ దర్శకత్వంలో సుదర్శన్‌ రెడ్డి నిర్మిస్తున్నారు. గతంలో వచ్చిన ‘ప్రేమకథా చిత్రమ్‌’ సినిమాకు ఇది సీక్వెల్‌. ఇటీవలే సెన్సార్‌ కార్యక్రమాలు పూర్తిచేశారు. యు/ఏ సర్టిఫికెట్‌ పొందింది. ఇందులో నందిత శ్వేతా కీలక పాత్రలో నటిస్తోంది. రావు రమేష్‌ వాయిస్‌ ఓవర్‌తో కథనం నడుస్తుంది. ఉగాదికి ఈ సినిమాను విడుదల చేసేందుకు సన్నాహాలు చేస్తున్నారు.
”ప్రేమకథా చిత్రమ్‌ మాదిరిగానే ఈ చిత్రం కూడా విజయం సాధిస్తుందనే నమ్మకాన్ని” చిత్ర నిర్మాత సుదర్శన్‌ రెడ్డి వ్యక్తం చేశారు. ”అన్ని కార్యక్రమాలు పూర్తిచేశాం. ఉగాది సందర్భంగా ఏప్రిల్‌ 6న సినిమాను విడుదల చేస్తున్నాం” అని ఆయన తెలిపారు.
